Xunta de Galicia
Xacobeo 2021

Medallas de Galicia

Medallas de Galicia 1993

  • Mario Alberto Nobre Lopes Soares

Mario Alberto Nobre Lopes Soares (Lisboa, 1924).

Presidente da República de Portugal

Fillo do ministro de Colonias da I República portuguesa e fundador do Colexio Moderno de Lisboa, João Lopes Soares, feito que marcará desde moi novo a súa vocación política, realiza os seus estudos universitarios nas facultades de Letras e Dereito de Lisboa.

Durante o seu exilio francés foi docente nas universidades de Vincennes, Rennes e A Sorbona.

Desde 1957 exerce como avogado e consegue unha grande proxección internacional como representante da familia do Xeneral Humberto Delgado, candidato á Presidencia da República asasinado en España pola policía política do ditador Salazar. Como consecuencia da súa actividade é encarcerado 13 veces, deportado sen xuízo, en 1968, á illa de São Tomé, e obrigado a exiliarse en 1970.

Mário Soares é unha figura clave para comprender a historia recente de Portugal. En 1973, en Alemaña, funda o Partido Socialista Portugués. Vicepresidente da Internacional Socialista, entre 1974 e 1986, é varias veces ministro nos primeiros gobernos tras a Revolución dos Caraveis. Tres veces primeiro ministro e dúas veces presidente da República portuguesa, é o impulsor da adhesión á CEE.

Mario Soares participou en numerosas comisións de organismos internacionais e actualmente segue en activo, a través da Presidencia da Fundación que leva o seu nome.

Autor de 13 libros sobre historia de Portugal e teoría xurídica e política, Mario Soares foi recoñecido, ademais de coa Medalla de Ouro de Galicia, co Premio Europeo Robert Schumann, co Príncipe de Asturias de Cooperación Internacional e cos doutoramentos honoris causa de 36 universidades de todo o mundo, entre outras distincións.

Gabinete de Prensa
  • Joaquín Veríssimo Serrao
  • José Ignacio Bugarín Pereira
  • Marqués René de las Coste Messelliere
  • Juan Ignacio Pardo Suárez (Juan Pardo)
  • Ánxeles Alvariño González
  • Luis Braga da Cruz
  • Rafael Vera Fernández-Huidobro
  • Cesáreo Gil Atrio
  • Francisco García Díez
  • Daría Vilariño Pintos
  • José Luis Sánchez-Agostino López
  • José Carlos Valle Pérez
  • José Pumar Vázquez
  • José Antonio Rivera Casal
  • César Gallego Pita
  • Valentín Leiro Paz
  • José Piñeiro Ares
  • Manuel Fantáns Baloira
  • Carlos Folgueira García
  • Grupo Mareusa de Barcelona
  • Hermanos Misioneros de los Enfermos Pobres
  • Cociña Económica de Santiago